Trollet utan hjarte
Årets eventyr frå teatergruppa Teaterfrø
Likar du eventyr? Kanskje du likar å dikte dine eigne? I denne framsyninga får barna vere med på begge deler, frå “det var ein gong” til “snipp snapp snute”. Det finst mange spennande historier og eventyr i bøkene. Du må berre leite etter dei, -så kan du dikte vidare sjølv! Eventyret i år er ei dramatisering basert på det tyske eventyret: Mannen utan hjerte og Asbjørnsen &Moe sitt eventyr: Risen som ikkje hadde noko hjarta på seg.
Frøydis Flotve og Veronika F. Røssland frå Teaterfrø fortel og dramatiserer folkeeventyr og diktar til slutt eit heilt nytt eventyr saman med publikum.
Framsyninga varer rundt 35 minutt. Passer for alle over 4 år.